《康祥最終日》
4月底，牛頭角嘅康祥茶餐廳走到最後一程。《佬訊》既特約攝影bwang都算係熟客仔，個陣特登去多最後一趟。水吧師傅最初唔肯上鏡，因為蘋果日報早幾日去到，無揾佢影相，佢唔開心。好彩老闆娘幫下口，先cap到張沖茶照。
康祥未必係最好食嘅茶記，亦未必有最vintage嘅裝修。水吧師傅同個廚，睇落都唔覺同其他茶記有咩分別。但又如何? 佬一世，最緊要搵到自己嘅世界。願兩位師傅搵到更好嘅落腳地。
至於我地，當日後工場統一製造嘅奶茶、三文治(咦?)，變成日常嘅時候，呢兩個白色工衣嘅身影就會係腦海出現，不過好模糊、好虛浮。
特約攝影：bwang
#佬訊 #佬城故事 #康祥茶餐廳 #點解洪瑞珍會矜貴過茶記新鮮整既三文治
Search